Bizə, 1948-ci il təvəllüdlü Fərzəliyeva Gültəkin müraciət etmişdi. Onun hər iki gözü qəfildən zəif görməyə başladı.

Həmçinin, o deyirdi ki, bir istiqaməti görür, digərini yox və bu hal çətin orientasiya, baş gicələnmə ilə müşayiət olunurdu.

Müayinə zamanı görmə itiliyinin zəifləməsi və görmə sahəsinin hissəvi itməsi aşkar olundu. Bu hala hemianopsiya deyilir. Insanin bir görmə sahəsini görüb, digərini görməməsi hemianopsiya adlanır.

Bu həmişə göz patologiyasi ilə deyil, mərkəzi sinir sisteminin pozulması ilə əlaqəli olur. Heteronim hemianopsiya adətən hipofizin şişi ilə əlaqəli olur. Buna görə də xəstə baş-beynin kompüter tomoqrammasına göndərilmişdir. Lakin müayinələr heç bir törəmə aşkar etmədi.

Deməli, bu dəyişiliklər baş-beynin mikro insultu sayəsində yaranıb, odur ki, biz onu nevropatoloqa yönəltdik. Nevropatoloq müalicə təyin etsə də, görmədə pozitiv dinamika baş vermədi. Hesab olunur ki, belə hallar geri dönməz görmə zəifliyə səbəb olur.

Biz xəstəni parabulbar deksametazon inyeksiyaları ilə müalicə etməyə qərar verdik.

Deksametazon - iltihab zamanı istifadə olunan kortikosteroid hormondur. Bir neçə gün sonra onun görməsi bərpa olundu və hemianopsiya, demək olar, yox oldu.

Hansı nəticəyə gəlmək olar? Baş-beynin insultlari da özünəməxsus iltihabdır. Uzun müddətli iltihab, damarların daralması və sklerozlaşmasi, sinir sistemi hüceyrələrinin funksiyalarının pisləşməsi ilə nəticələnir.